المكونات
1\2 كيلو صدور فراخ فيليه تنقع فى (( عصير 2 ليمونة + ملح + فلفل أسود )) طوال الليل.
علبة زبادى.
1\2 كوب عصير ليمون.( عصير الليمون و كميتة حسب رغبتك )
1 ملعقة كبيرة ثوم مفروم.
بصلة مقطعة جوانح رفيعة.
رشة ملح ليمون.
1\4 ملعقة كبيرة بهار.
1\2 ملعقة صغيرة هيل (( حبهان ))
بودرة بشر ليمونة ، ملح + فلفل أسود.
3 ملاعق زيت زيتون.
طريقة عمل شاورما الدجاج :
1) .نغسل صدور الفراخ كويس ، ونقسم كل قطعة لنصين بالطول ،وبعدين ننقعهم فى عصير 2 ليمونة ، مع رشة ملح وفلفل أسود ونسيبها طول الليل
2) تانى يوم نقطع الصدور لأعواد رفيعة قدر الإمكان ، بعد كدة نحط فوقها الزبادى وعصير الليمون و بشر الليمونة ، وملح الليمون والثوم والبصل ، ورشة فلفل أسود والهيل المطحون والبهار مع رشة بسيطة من الملح .. بس نخلى بالنا مانكترش من الملح فى التتبيلة ، لأننا نقعناها طوال الليل فى ملح وفلفل أسود عشان ماتبقاش مالحة أكتر من اللازم.
3) .نرش فوقها زيت الزيتون ، ونسيبها فى التتبيلة مدة ساعتين على الأقل
4). نفردها فى صينية تيفال ، ونحطها تحت شواية البوتجاز مدة نص ساعة ، و نقلبها فى نص الوقت ، أو نحطها فى طاسة تيفال فوق شعلة البوتجاز ، على نار متوسطة ونقلبها لحد ما تستوى
5) نقدمها سخنة مع خبز شامى وخيار مخلل وثومية وسلطة طحينة ،أو أى نوع سلطة مفضل وبألف هنا وشفا.
