ملوخية باللحمة المفرومة
المقادير:
كيس ملوخية
¼ كيلو لحمة مفرومة
2 ثمرة طماطم مقطعة مكعبات
ملعقة كبيرة كزبرة ناشفة
2 فص ثوم مفروم
ملح وفلفل أسود
قرن فلفل حامي
بصلة مفرومة
كوب شوربة
زبدة
الطريقة:
1- عصّجي اللحمة مع البصل وضيفي عليها الطماطم والملح والفلفل الأسود والزبدة على النار.
2- ضيفي عليهم فص ثوم والفلفل الأحمر وسيبي الخليط يغلي على النار، وبعدين ضيفي عليه كيس الملوخية والشوربة وقلّبيهم مع بعض كويس على النار لحد ما تغلي.
3- سيحي زبدة في طاسة على النار وضيفي عليها فص الثوم الباقي والكزبرة وقلبيهم مع بعض على النار لحد ما يصفرّ لونهم، وبعد كده شيلي الخليط وحطيه على الملوخية وقلبيهم مع بعض، وقدميها.. وبالهنا والشفا.
