إنتي وولادك بتحبوا البيتزا؟؟وطبعا لما بتشتريها من برة بتكلفك كتير؟؟ويمكن لما بتعمليها مش بتكون مظبوطة

سر البيتزا فى صلصتها يعنى لو الصلصة معمولة صح اكيد البيتزا هتطلع صح الصحوالصلصة سهلة خالص خالص

مقاديرها : عدد 4 طماطم-عدد 4 فصوص ثوم-2 بصلة متوسطة الحجم-ومهم جدا الريحان وياريت يكون طازج-و2 ملعقة كبيرة زعتر-و2 ملعقة كبيرة زيت نباتى-وملح وفلفل ملعقة-و2 كوب ماء-و2 ملعقة صلصة

الطريقة

خلط كل المقادير وترفع على النار عالية ثم بعد ذلك بعد الغليان تترك حتى تبرد وتضرب بالخلاط..دى طريقة عمل صلصة البيزا

نيجى بقى للعجينة ودى كمان سهلة اوى ليها كذا طريقة اقوالكم على طريقة سهلة خالص تخلى كل ست وكل بنوته جميلة تعملها بشكل سهل اوى اوى

مقادير العجينة

نص ملعقة كبيرو خميرة فورية-ربع م ص سكر- 1ونص كوب ماء دافئ -3وربع كوب دقيق2م ص ملح -1م ك زيت زيتون

 الطريقة

 1- تخلط الخميرة والسكر فى نصف كمية الماء الدافئ وتترك لمدة عشرة دقائق حتى تتفاعل

 2- يخلط الملح والدقيق ويوضع فى عجانة كهربية على سرعة متوسطة وتضاف خليط الخميرة ( يمكن العجن باليد )

 3- يضاف الزيت الى الخليط ثم يضاف الماء المتبقى تدريجيا ويعجن حتى يصبح كتلة واحدة ملساء ناعمة

4- يوضع العجين فى وعاء مدهون بقليل من الزيت ويغطى بقطعة قماش نظيفة . ويترك فى مكان دافئ لمدة ساعتين او حين يتضاعف حجمه

5_ يرش قليل من الدقيق على سطح التربيزة ويعجن العجين مرة اخرى لمدة خمس دقائق ( مع عدم الاكثار من الدقيق)

6- فى صاج مدهون بقليل الزبد ويفضل يدهن بقليل من الزبد او السمن ملحوظة ( لان الزيت يحرق العجين )

7-يغطى ويترك لحوالى نص ساعةحتى يختمرثم يعمل به بعض الثقوب بالشوكة..ويوضع الصلصة ثم المكونات زيتون وقطع فلفل رومى الوان وقطع طماطم وأهم حاجة الحبنة الموتزريلا وسجق  وجنبه شيدر يعني أى حشو موجود عندك

8-يخبز بالفرن لدرجة حرارة 180 درجة لمدة تتراوح من نصف ساعة الى ساعة الا ربع على حسب طبيعة الفرن بتاعك

ملحوظة:يمكن عمل هذا النوع من العجين ويحفظ فى الفريزر ولابد من لفه باحكام ويحفظ ويستحسن اخراجه من الفريرز قبل اعادة استعماله ب3 ساعات ..وبالهنا والشفا