رغم إن النزيف في بداية الحمل حاجة معروفة إلا أنه بيخض الست وتفتكر إن الحمل بيروح عشان كدة لازم المتابعة مع الدكتور بشكل مستمر، نعرف سبب المشكلة ولو نقدر نعالجها ونحافظ على البيبي، ممكن الأسباب تكون زي:
الإجهاض إذا الحمل انتهى قبل الأسبوع 24 في الحمل بيتسمى إجهاض، غالبا بيحصل في 3 شهور الأولى نتيجة إن الحمل مابيثبتش، بيحصل في حالة واحدة من أصل خمس حالات للحمل، وده للأسف معناه إنك خسرتي الحمل.
الحمل برة الرحم في العادي اللي بيحصل إن البويضة بعد ما تتخصب بتتنقل للرحم عن طريق قناة اسمها فالوب، فتتعلق البويضة في الرحم وتبدأ مرحلة النمو بقى، إما في الحالة دي البويضة بتتعلق في مكان تاني غير الرحم سواء كان قناة فالوب أو المبيض، طبعا بنتخلص منه وبسرعة لإنه لو استمر ممكن يسبب إنفجار القناة ونزيف حاد.
المشيمة ممكن تنفصل وتبعد عن جدار الرحم، علامتها وجع في المعدة بس غالبا مابيكونش فيه نزيف، بتسبب مشكلة خطيرة والحل بيكون ولادة قيصرية عشان نحافظ على البيبي.
- العدوى وإلتهابات الرحم والمهبل بيسبب نزيف مفاجئ، لازم المتابعة بأسرع وقت عند الدكتور لإنه الإلتهابات بتكون عرض لسرطانات خطيرة في منطقة الرحم.
فيه فحوص وإشاعات كتير بتتعمل عشان نعرف سبب النزيف إيه، زي فحص مهبلي أو حوضي وتحاليل دم، كمان الدكتور هيسألك على أعراض تانية مع النزيف، إهم حاجة ماتتخضيش لو حصل النزيف أول 3 شهور بس إوعي تكسلي خليكي متابعة مع الدكتور ولو حسيتي بأي حاجة غريبة روحي المستشفى على طول عشان البيبي يجي بالسلامة.
