أهدي أجمل قصائد حب سعودية وكذلك أجمل أشعار أحبك خليجية وجميلة للغاية لأي رجل أو لامرأةٍ باتت تحرّم سماع الأغاني وترى أنّ الشّعر من لهو الحديث وأنّ الحب ما هو إلّا كذبةٌ كبيرة وأنّها لم تعد صالحةً لسماع موسيقاي الحزينة وقصائدي وحبّي الذي لا يعني سوى الفراغ، ولا أدري بأي طريقةٍ أوصل لها شعوري في هذه اللّحظة المتأخرة من الليل .
قصائد حب سعودية
أولاً لأن الحب هو أجمل مشاعر الحياة ولأنه ينقل ما بداخلنا ويخفف عنا ألمه شارك باقة من أحلى قصائد حب سعودية أجمل أشعار أحبك للحبيب وللحبيب.
- سبحان اللي اعطاك اللطافة والكلام الزين
تراك لحالك تسولف على احس بالراحة
احبك جعل يومي قبل يومك وانت قول امين
انا اشوفك حياة وحلم … والجمهور والساحة. - الليلة اللي … “ما أحبك فيها” :
ماهي على كيفي و لا تحت امري !
ودي من حساب الليال .. امحيها :
و لا تمر … و تنحسب من عمري. - ليه أنحرم من هواك الحب ما هو حرام
ما الله كتب للنفوس إلا مقاديرها !
أنتي طمأنينة الروح وشعور السلام
في قربك النفس ما تأخذ تدابيرها
تمر “الأيام” في قربك على ما يرام
يا بهجة عيوني ويا أغلى مساييرها
“أحبك” اللي تجي فجأة ما بين الكلام
أكثر أحبك لها .. ف القلب تأثيرها. - ليا مني لقيتك ضاعوا الجلاس
وليا مني فقدتك عاد انا ويني
لك الله ما خذلتك واترك الوسواس
أحبك . . وأنت فيني كل مافيني
على قلبي تطمن لاتخاف الناس
عيونك عن عيون الناس تكفيني. - يوم أحبك يشهد الله كنت ماني ب متخير
ساقك الله مثل ما ساق الهبايب و المخايل
عادك ب قلبي و عادك الحب الأول ما تغير
كنك العادات و الأعراف في دم القبايل. - فيك مسرى غرام وفيك لذة عتاب
وفيك شهد الوصال وفيك غربة عنا
تدري إني أحبك يا لذيذ السراب
دام محد وصلك من البشر إلا أنا. - انا اسف اني رحت من غير ذكر اسباب
لو اني ب احب / احبك معاهدك بالله
حشى ما تركتك من عيوب انت ما تنعاب
“و لكن عزاي اني تركتك / ل وجه الله”. - تمر البال يا سيد الوجيه اللي تمر البال
تمر البال، والساعة توقف لك دقائقها
توقف لك دقائقها رضا نفس وقدر وأجلال
على لحظة لقا من بد هاللحظات سارقها
أحبك كثر ما ذعذع لك الغربي وعودك مال
أحبك كثر ما تكذب علي عينك وأصدقها. - من خلقتي واللي بصدري بصدري
لكن احبك قلتها ” زلة إحساس “. - أنا اللي قلت قبل الليل يمسي والحمام ينوح
محبتك الضلوع تحوفها والعذر يبراها
ما غير أنتظرك تزيد الجروح الاولات جروح
عليك تزيدها . . وانا علي أدور دواها
أحبك كثر ما كنت اتوقى والغلا مفضوح
وأحب أيامي اللي جابتك يا اغلى عطاياها. - حتى لو ان وصلك من الحول للحول
على بقايا الحب للحين صامل
قدرت احبك يوم شفتك على طول
ولا قدرت انساك في عام كامل. - من متى كانت أجاباتنا على قد السؤال ؟
ومن متى كانت سوالفنا .. سوالف باردة ؟
ومن متى الوعد يتأجل ، ويتأجل الأتصال ؟
ومن متى قلبي ف أمانك ، والهجوس أطارده ؟
ومن متى كلمة “أحبك ” يوم كامل ماتقال ؟
ومن متى أسولف على عينك ، وعينك شاردة. - لا صار قلبك عن : التعبير متعاجز
وش فايدة نفسك الولهى و اماانيھا
لا تستحي قول أحبك و إكسر الحاجز
مشاعر الحب .. لا ( تستر معانيھا ). - حاولت احبك زود عن باقي الناس
واثري نسيت الناس من زود حبك. - احبك من اول الدنيا الين النشور
واحسك الروح واحسك مقاديرها
شعوري انك معي حتى بليا حضور
تسوى المشاعر من أولها الى اخيرها. - غلاك عانه وسم في داخلي وسمه ..
مكتوب فوق الوسم : (أغلى مواليفي)
منت اختياري ولكن صرت لي قسمه ..
الله كتب لي أحبك ما هو بكيفي ..؟!
متى على الله ترد وترجع البسمة ..
مليت من دنيا فيها الحزن ضيفي..!
أجمل أشعار أحبك قصيرة
بشكل قصير وبشكل أبيات جميلة نضع قصائد حب سعودية أجمل أشعار أحبك للحبيبة وللزوجة ولأي شخص تحبه.
- أنا اللي يستر البسمة مع طاريك
احبك بس احبك من طرف ساكت. - حرمتني صوتك وشوفك ولقياك
وعطيتني ظلمك وقسوة سموك
هذا وانا احبك وهاذي سواياك
مدري وش تسوي لو اني عدوك. - لا قال أحبك .. رف في صدري حمام
و انفتحت .. أبواب الحياة ( المغلقة ). - أنا وشلون أضحي فيك ولا أرضى بدالك خل
و أنا أشوفك سبب كل ابتسامة بابتساماتي
ولو ما قلت أحبك والله إن ما ردها بتزل
وتسمعها بكلماتي . . وتقرأها بنظراتي. - يني ثقه ما تصورها مخيلتك
خلتني أمشي بنفس حيل منغره
مشكلتي أني أحبك وأنت مشكلتك
تحبني ضعف ما أحبك مية مره. - جيت أحبك صدق ما جيتك تسلي
جيت أعاند فيك لوعات الظروف
إن ضحك وجهك برحب بك و أهلي
و إن تجهم بترك عيونك تشوف
وين بوصل ف الهوى وياك ؟ ياللي
نظرتك أجر و سوالفك معروف.
عطيتك حقوق أكثر من الحق والانصاف
ولقيت الحقوق أحيان ، مدخل ل تخريبك
من الصح اخونك / واترك الطابع الخواف
انا كنت مخطي .. يوم احبك واماري بك
ليا مرتك ذكرى و وقت المواصل طاف
هذا الوقت تذكرني .. وب تقول يا طيبك.
مقالات مشابهة:
قصائد حب شعبية آخر الليل
قصائد حب ساخنة
أجمل قصائد حب
قصائد مدح للحبيبة
رسائل حب ساخنة ومثيرة
شعر حب سعودي
اللهجة السعودية والخليجية من أجمل اللهجات لذلك ستجد أشعار حب شعبية طويلة لتشارك من تحبه الآن.
- لولا الحياء و عاداتنا و التقاليد
وسلومنا و أطباع جدك وجدي
لأقول أحبك وأعترف للأجاويد
ولا همني من عارض اليوم ردي
وأجيك أنا كلي بليا .. مواعيد
تمد لي يمناك و أمد يدي
وتضحك لنا الدنيا و نرجع مواليد
ننسى زمان كان ضدك و ضدي
لكني أخاف العتب و المناقيد
ولا ضاع فينا العمر معاد يمدي. - معاك أتجرد من مبادي تربت في
و أنا الثابته اللي . . ما تغير مباديها
أداريك عن ضيقك و احنك من أدنى شي
و أنا ما أتلفت ل الخواطر و أداريها
ولا أعاتب إلا الساعه اللي تجيبك لي
تجيبك ولا هي الراكده في ثوانيها
أحبك و أنا اللي لو جميلك علي شوي
قدرت أتناسى ليلة ما أنت ناسيها. - لك البال يضحك كل ما مرته ذكراك
وأنا لا ذكرتك قلت .. ليت العمر ثاني
شعوري على لهفة شعورك شعور إرباك
هو اللي يضحكني على كل شي قد بكاني
ماني خايف إن الوقت ياخذك ل هناك
أنا خايف إن الوقت فيك.. يتحداني
أحبك وأعرف إني أحبك بدون إدراك
أنا قلبك الأول .. وأنا قلبك الثاني. - ابي تعرف إذا ضاقت حياتك يوم
و اللي حولك تخلوا كلهم عنك
وما تدري على منهو يكون اللوم
بعد ما خيبوا .. آمالك وظنك
بتلقاني . . مثل أول و باقي دوم
أحبك ، أكثر ب واجد ترى منك
أنا عونك أنا ، ظهرك الين تقوم
وأنا ناسك وأنا أشيل الحزن عنك. - إي والله أحبك أحبك من ضمير
من يوم حبيتك .. وحبك ما هدى
ما فيه غيرك في سما قلبي يطير
وحدك ترد الصوت والباقي صدى
مهما حصل مهما جرى مهما يصير
كل العيون .. تروح .. لعيونك فدى
أحبك .. وأبقى أحبك .. ل الأخير
لآخر نفس لآخر رمق لآخر مدى. - لو الذي مابيني وبينك .. بلاد
قطعتها ولا شكيت المسافة
بيني وبينك جرح ما لمه ضماد
وغربة مشاعر وانكسار وحسافه
الحزن كبرني .. واذا العمر ينعاد ؟
ماقلت ” احبك ” من وله وارتجاف
كنت اسرق اللحظات في كل ميعاد
الحين وجهك بالصدف صرت اخافه. - كنت أتمنى اقضي العمر وياك
ونعيش طول الوقت يدك ب يدي
وكنت ب رغم طيشك و كثرة خطاياك
أحبك ب ضحكي .. و احبك ب جدي
و كنت أتحدى فيك ذولا و ذولاك
و يا ل الأسف ما كنت قد التحدي
حديتني على الفراق ب سواياك
ولا أنا .. والله ما كان ودي. - مابين خوفي من الدنيا وخوفي عليك
ضيعت عمري مابين اقفي او اتبعك
ماني ب خايف توادعني وانا محتريك
خايف يديني تخون احساسي وتوادعك
عقلي يبي يبتعد عنك و قلبي يبيك
ومابين قلبي وعقلي ماقدرت اجمعك
تبي الصراحه تعبت اعاتبك واشتكيك
تعال قلي ” احبك ” خلني اسمعك. - امسيت ف محادثتك ارقب مراسيلك
و أعد مثل الطفل من واحد لعشره
و اسمع قديم الرسايل يوم اناديلك
سوالف بيننا ما هي ب منتشره
سويت لك كل شي وش عاد اسويلك
قدرت احبك و لكن ماقدرت اشره
انكر غلاي و معاريفي و حبي لك
لكن انا طالبك لا تنكر العشره. - تبختر وطل بحسنك اللافت الخلاب
جمالك يهدي روعي ويضبط أعصابي
عيونك قصيد وبسمتك تخطف الالباب
وكلامك لطيف وحكمتك حكمة إعرابي
اشوفك هنا وهناك وإعجاب تلو إعجاب
ماشفت ابتسامة عيني ونظرة إعجابي ؟
وش المانع احبك ؟ واحبك بدون اسباب
ماعندي سبب مادامك انت اجمل اسبابي. - انا لا تباطيتك . . علي الوله ينشاف
يبين على العاشق وينشاف ف عيونه
احبك جعل حب يجي من بعدك يعاف
وانا حالف حبك مع الوقت ما اخونه
ليا شفت وجهك والله ان ماعلي اخلاف
فلا تنشد اللي شاف غايته وش لونه !
عيونك مثل مجد قصر دونه اللي خاف
وانا اللي يحب المجد ويموت من دونه. - أنت وصلك في خيالي على كل الوصال
ماله الا اسمين ي اما رضا ولا جبر
غيرك يحاول ولا له على قلبي مجال
وأنت حبك قد تمكن في القلب وعبر
وان قلت عطني على قولك مثال
قلت معطيك الحنايا .. وزايد لك شبر
وان سمعت القول بين الحقيقه والخيال
قلت أحبك فوق كل المحبه والأمر. - حشى ماخليتك على باب الرحيل
ولا كرهتك ب المفارق لا حشى
لازلت احبك واذكرك في كل ليل
و مكانتك لازالت ب عمق الحشا
و كرامة الانسان و الصبر الجميل
ما يهينها يا كود مقطوع الرشا
لكن انا اللي سار ف الدرب الطويل
خذا معه كرامة العز و مشا.