شعر عن غياب شخص غالي
لأي شخص عزيز وغالي شارك أشعار قصيرة عن الشوق والغياب والمحبة.
- يا كريم الغياب ويا بخيل الوصل
يا صعيب المنال ويا قريب الغلا
أنت شي ٍ حقيقي بس ما قد حصل
دعوة ٍ من فقير ورحمة ٍ من بلا. - انت من دونك سواد العمر حالك
دون شمسك ما بقت قيمة لظلالي
باِسم قلب راح من صدري وجالك
في أمان اللي يحبك وانت غالي. - هذي ثلاث أيام، والرابع اليوم
وانا مع الضيقات سابح خيالي
يطري علي بيتٍ من الشعر معلوم
اردده لا صرت جالس لحالي
من منطلق حبي لك العام واليوم
لا تحرق أوراق الغلا وانت غالي. - لا توصيني على حفظ السرائر وانت غالي
والله اني حافظك وادرى عليك وكلني لك
لا كتبت اسمك وانا في البر لو اني لحالي
ألتفت وامحيه من خوفي عليك وحبني لك. - الغلا رغم بعدك عن عيوني يزيد
تحت ظل الغياب و رغم كل الظروف
يوم كلن تمنى شوفة اللي يريد
يعلم الله غيرك ما تمنيت أشوف. - لا والله ما يطري على البال غالي
الا وانت حِبيبي أول الناس
انت حبيب القلب أول وتالي
ما تغيب عني حتى وان فيني نعاس. - قلبٍ على الرفعة تربى ما يهون
وراسٍ على العّزة سيفٍ ما نحنى. - ما بي اعترف لك بالغلا وانت غالي
خلك كذا ما بين ضامن وشكاك - مره تقول إن غيرك فـي بالي
ومره تقول إن ما به إنسان يسواك. - ياما ليالي وانت يا غالي،
ياما ليالي دايما في بالي. - لا تنزعج من جيّتي وأنت غالي
وباق الدعاوي كلبوها تساهيل
ما جيت أدوّر فيك شيءٍ طرالي
لا الماضيات ولا وجيه المقابيل
لاشك جيت ومذهبٍ لي ليالي
سودٍ من أوّل كنت فيها أرقد الليل. - انت حاضر وانت غايب
وانت بين الناس رافع للراس. - يا اول فناجيل المحبة وثانيه
من اولـ أيام الغلا وانت الأوّل
حتى الغياب اللي تدانيه ادانيه
لكن ما هوب اغيابك اللي يطوّل. - في ذمتي القلب ما فيه غالي
وحدك مسيطر ع المشاعر والاحساس
انت قمر ليلي وانت الليالي
ما يشارك بالحب واحد من الناس. - ابحث عن القمّة ترا القاع مزحوم
ولا تنزل لبعض العرب وانت غالي.
شعر لشخص تحبه غائب عن العين
شارك قصائد وشعر عن الغائب عن العين والموجود في القلب لأي شخص تحبه.
- يا اللي جمالك ماله حدود
كل يوم وانت بعيني تزين
غائب وقدرك دايم يزود
بين البشر ما منك اثنين. - والله اني فاقدك صح ومكانك خالي
والبشر لو حاولوا يملون ما يملونه
أنت الأول يا ربيع العمر وأنت التالي
في عيون اللي يشوفك وحده من عيونه
غالي وما أحطّك إلا في مكان الغالي
الغلا مضمون و الدنيا مهي مضمونه. - تراني مكتفي فيك رغم الغياب
ما خليت احد يأخذ مكانك بقلبي. - يا غايبة لولا الغلا وفرح اللقاء وسم الغياب
ما شفتي عيني لا ذكرتك ينتثر هملولها. - ان كان قلبك للمحبين ميال
عطني مواثيق الغلا وانت غالي
وابشر بقلب فيه للوصل مدهال
تلقى مداهيل الولايف ضلالي
جيتك ابي صافي محبتك فنجال
قم قهوني من كيف وصلك لحالي. - ليه الغياب اللي بدون أسباب طال
البعد ما هو حلو يا سيد الحلا
ما بي تجاوبني على قد السؤال
أبي تجاوبني على قد الغلا. - كل غالي من غلاته ما نخيّب ظنّه
وأنت عاد الغالي اللي مَا وراك و دونك. - انت عديل الروح تبقى بالغلا غالي
وانت سبب جرحي طبّه ودكتوره
يا فرحة عيوني منك الوصل يحلا لي
ما غبت عن عيني بالصوت والصورة. - انت عندي عز من شافت عيوني
وانت عندي عز من قلبي هواه
وانت عندي عز مخلوقـن بكوني
وانت عندي شخص له قيمة وجاه
وانت عندي شي لا يمكن يهوني
وانت عندي شي غالي مستواه
وانت عندي من تربع في جفوني
وانت عندي من سكن قلبي غلاه. - ذِكرَاكَ في بردِ الغِيابِ دِثاري
والروحُ روحُكَ مُؤنسي بجُواري
وأراكَ في كلِّ الوُجوهِ تلوحُ لي
والاسمَ اسمَكَ نقـشَ كلِّ جِدَارٍ. - قلبي في ايدينك يا غالي بس خل بالك عليه
يا حبيبي هذا قلبي وانت ادرى الناس فيه. - ما غليتك وانت تستاهل غلا
انت غالي والغلا كله غلاك
ليت كل الحب يا روحي حلا
والهوى والشوق يتجدد حلاك. - وانا رصيدك دون شيكات وبنوك
وانا الجمل لك في حمول الثقالي
وانت الذي تملك على قلبي صكوك
وانت الغلا ولا بعدك اليوم غالي.
شعر عتاب لشخص غائب
أبيات شعر حزينة بشكل عتاب لأي شخص غائب او مسافر أو للحبيب البعيد.
- كأنك تحسب أن المفارق ضرني
قد راح غاليّ وأنت ما تسوى ثراه. - يا شين الغياب اللي بلا سبّه وتبرير
غياب اللي ما فكر بـ قلبي ولا حنه
يموت الغلا من قلة الوصل والتقدير
مثل موتة المعروف لا صار به منه. - لا تكابر بالمحبة وانت غالي
ما يقلل بالهوى غير المكابر. - مهما كبر الغلا كثر الغياب يقصره
لا ياخذك من حنين الشوق تقصيرك
وانت المخيّر على وصلك وهجرانك
ما عــاد لي خلق بـ مجـامل تعابيرك
النفس عفّت ولامتني على شـــانك
الباب يوسع جمل وفّـر معاذيرك
خلك مع اللي يغني لك على الحانك. - انت يا اللي مزعج الناس ومسوي حزين
وانت وجهك واضح ان الحزن ما مر به
لا تصنع فقد غالي ترا الفقدان شين
ما يحس بلوعة الفقد غير مجرّبه. - صحيح أن الغياب اللي حصل بيني وبينك طال
لكن ما هوب انا اللي فوق حُبه يسفي السافي
لحقني من غلاك ومن جفاك اللي يرّق الحال
مثل ماكنّي أشوف الحزن في طرفك الغافي
يروح اللي يروح من العُمر واللي بقى لا زال
ويبين اللي يبين من الغلا والخافي الخافي. - تدري ان اسمي لحال ومقامي لحاله
وانت غالي وانا ما نيب مرخص مقامي. - قلبي على الكره ما يقوى ولا فيه حيل
مرتاح والناس تفرق في مقاماتها
إن جيتني فأنت غالي وأنت راعي جميل
وإن رحت وش خانة الدنيا و لذاتها. - والله إني تاركك لله وإنّك غالي
وانت والله ما يعوض فيك غير الجنة. - طحت من عيني وفيك الظن خاب
يا غرام كنت احسبه لي يدوم
كم تلاشت ضحكتي بين الصحاب
وسال دمعي من عذابي والهموم
انطفت روحي وشمع الغلا ذاب
ومعك حظي بالهوى عيا يقوم.