أشعار جميلة تختص في أسمى وأعظم معاني وهي التقدير والاحترام، شعور جميل عندما تجد من يسعدك بشعره الجميل في مدح تقدير واحترام شخص عزيز على القلب.
شعر تقدير واحترام
باقات متنوعة من القصائد القصيرة التي مُزج فيها التقدير وبعضاً من المدح ولكل الناس من حولك.
يا مغلاه في قلبي ويا كبر منزلته
أجمع له سمان الهرج خوف من التقصير
واذا جيت أبشرح له كلامي تهيزلته
يجيني منه هيبه معزه سحى تقدير
اقابله عندي علم واروح ما قلته.
سلام الله لمن يقرأ سلامي
ويسلم من يبادلني سلامه
سلامي يرتوي به كل ضامي
وفي الوجدان تبقى له علامة
ويشفي من بقلبه جرح دامي
ويزرع في الوجوه الابتسامة
بتقديري وودي واحترامي
اليكم ود قلبي واحترامه.
يا عـزة النفس لا هنتـي ولا ملتـي
لـوكان بعض الاوادم بـان تقصيره
أنا مع الناس عارف ويش مشكلتي
أعطيت بعض العرب من فوق تقديره.
بعض البشر واجب تهدي له الكرامة
تقدير على ما فات من وقت وخساره
ما يفيد كثر النصح ولو تشرح زياده
بيضيع نص عمره ولا قدّر مكانه.
حي من قفا به الوقت مكسور وجريح
عقب تقدير و معزه وصفطان و ولى
والله اني كل ما قلت بدله واستريح
كن في صدري مصيبه وفي عيني بلا.
لك من صميم الروح ميزة عن الغير
و لك في خفوقي من الوله شيء ثاني
القلب يحمل لك معزه و تقدير
والعين تعشق شوفتك لو ثواني
و إن غبت تلقاني مع البعد مغليك
و إن جيت تبقى مثل ما كنت غالي.
صحيح ما غيرك يساوي مقامك
لكن أنا أقول والوضع حساس
لولا غلاك وحشمتك واحترامك
ما كان بديتك على باقي الناس.
اشتقت للغالين وشوف الطيبين
اللي لهم عندي معزه واحترام
قلبي يحب اهل الوفا والمخلصين
ويستاهلون المدح في زين الكلام.
يجيني منه هيبه معزه سحا تقدير
اقابله عندي علم واروح ما قلته
لا شفتها جاني عن الهرج صادوف
مغير اهز الراس مثل الخواجة
يغيم سماي اليا تواجهت انا وياه
وحتى الحكي ما عاد ينطق به لساني.
بارك الله بالذي يحفـظ لسانه
عن كـلامن فيه للغايب مسبّه
كل مسلم يعتبر عرضه أمانه
حـط لـه بالقلب تقدير ومحبه
قدّره في غيبته وارفع مكانه
والحـذر لا غـاب بغيابه تسبّه
ما حدن بالناس يرضى بالإهانة
والتعامل بالأدب كلن يحبه.
نصيحتي للي لهم عندي معزه واحترام
تكفون ثم تكفون ثم تكفون صلو عالنبي
والله بها تحلو الحياة وتسير على ما يرام
وبها ليا منك دعيت الله يحقق ما تبي.
عندك خبر وش قيمتك في حياتي
غالي و لك بقلبي مكانه و تأثير
مهما ابتعدنا لك محبه بذاتي
فيك الوفا رمز على كل تقدير.
مساكم غلاكم والمسا في غلاكم خير
يسوقه حنين الشوق في قلب راعيه
مساكم وفا شيمه معزة غلا تقدير
مساكم سعادة تدخل القلب جبرية.
ثتين يعطونك معزه و تقدير
دينك و فعل البر في والدينك
وثنتين منهن يكثرون المخاسير
درب الضياع و صحبة ما تعينك
وثنتين عنهن ما تجوز المعاذير
سترك لأهل بيتك و مكسب يمينك
و ثنتين لو طال الزمن ما بهن خير
هرج القفا و مجاملة من يهينك
وثنتين يطلقن الوجيه المسافير
ترديد ترحيبك و ضحكة جبينك.
من باب تقدير وطناخة راس
أضحك مع هذا ومع هذي
أجامل العالم وأنا محتاس
ومن داخلي ضايق ومستأذي.
شعر سلام وتحية
يُمكنك مشاركة أو القول بشعر سلام مني لمن تريد مشاركته إياها.
من دافع التقدير بيـن المخاليق
ومن دافع الشيمة وباب الصداقة
سلام يا روس الرجـال المـطالـيق
ساس المراجل والوفا والطناخة.
سلام لأهل العز بالعز مقصود
أهل الشهامة والوفاء والمروة
لأهل الغلا مني سلام غير محدود
تاج الصداقة والصحب والأخوة
أهل الكرامة والكرم منبع الجود
فخر الاحباب والاصحاب والأخوة
اللي لهم في القلب تقدير مشهود
ولهم معزه خاص في القلب جوه.
إياك تسرف بالعتب والمشارية
تفقد غلاك وهيبتك واحترامك
وان صد عنك اللي توده وتغليه
حاول تعـالج صدته باهتمامك
وان باعك اللي بالغلا كنت شاريه
لا تنشغل بأمره ووفر كلامك.
سلامي ع اللي قاعد يشوف قصيدي
معطر بأزرق العود وأطيابه
له التقدير واحترامه يزيدي
من القلب مرسوله للأصحاب واحبابه.
يا حظ من تدعي له الناس بالخير
كاسب قلوب الناس من فعل طيبه
في كل قلب له معزه و تقدير
وطاريه عند الناس كلن يجيبه.
يسعد مساء الناس الراقية
اللي لهم بالقلب قدر ومقام
اللي على طهر النوايا باقيه
وترقا صداقتهم معزه واحترام.
ثمن كلامك قبل تنطق كلامك
الهرج مثل السيف والسيف له حد
لجل ما تخسر قيمتك واحترامك
فرّق ما بين الهزل والمزح والجد.
يسعد مساء من لهم بالقلب قدر ومقام
ومن طهر نفوسهم دوم لهم معزة واحترام.
على ضفاف الحب قلبي مجلسه
يسامر المحبوب من زود الغلا
يستنشقه ومن الولع يتنفسه
تقدير ومعزه ومودة مع ولا
زود الحلا في كل ليله يرمسه
يفضفض بهالحب من زود الحلا.