لأنك تريد أشعار وقصائد عتاب بالفصحى وشعبية لابد من القول للحبيب أو للزوج وللزوجة: ترا العتاب حُب أنا يوم اجي أعاتبك قاعد أعلمك حاجات أنت لا تراها أو مش تحس فيها، أنا قاعد أعاتبك عشاني أحبك وما ابي البُعد يكون حليفنا بيوم من الأيام وأن محبتنا تدوم على طول، ترا العتاب حُب مش “زعل” وترا عمر العتاب ما كان “زعل” لكن اذا أنت تشوف أن هذي فرصتك عشان تزعل وتبّعد فهي لك.
أشعار عتاب بالفصحى
عندما تعاب شخص على موقف معين ويتكرر الموقف !! اياك أن تزعجه بالعتاب مرة أخرى .. فلو كان العتاب ينفع لما تكرر الموقف، لذى شارك أشعار وقصائد عتاب بالفصحى وشعبية الآن.
- إن العتاب لبعض الناس يؤلمه
والبعض كالجدر لا حس ولا خبر
فأحفظ عتابك عمن لا شعور له
إن الكرام إذا ما عاتبوا صبروا. - أعاتب طيفه إن لم يزرني
لعل الطيف أوعى’ لـ العتاب
ألا ؛ يا طيفه ؛ أبـلـغـه ؛ عـنـي
بـأنَّ الـشـوق أفقدني صوابي. - قمر تفرد بالمحاسن كلها
فإليه ينسب كل حسن يوصف
فجبينه صبح وطرته دجى
وقوامه غصن رطيب أهيف
لله ذاك الوجه كيف تألفت
فيه بدائع لم تكن تتألف
ورد يعصفره الحياء ونرجس
يغضي إذا طال العتاب ويطرف. - مُـدّي بسـاطيَ وامـلأي أكوابي
وانسي العِتابَ فقد نسَـيتُ عتابي. - “قم ناج محبوبا وناد خليلا
واجعل حنين القافيات رسولا
ودع الملامة عنك واقبل عذره
كذب ظنونك واسمع التأويلا
طبع المحب إذا تبسم خله
ينسى العتاب ويقبل التعليلا
ويراه عذبا في الخصام وفي الرضا
ويراه في كل الظروف جميلا”. - نشف دم العتاب وجف ريق اللوم
معك ضاع الكلام وماتت احلامي
وش اللي ممكن ـقوله وانا مصدوم
بعد ما مات اجمل حلم .. قدامي.
شعر أندمل جرح العتاب
هناك نوع قاسي من العتاب وهو الذي يكون دون كلام يأتي علئ هيئة صمت او انشغال دائم او تصرف يشبه التجاهل
- أندمل جرح العتاب، ولا بقى شيء نخافه
والله إن ماني ب راغب كون شيء ترغبينه
أقفلي باب الحزن ولا أضحكي لو من سخافة
وأقتلي صمت المكان وبددي خوف المدينة
السهر على عيوني، والعتب على المسافة
ولا أنا كم لي [وكفك] ماني مقبل [جبينه]
لو يطول الليل، وتشح البشر، فجر وعفافة؛
غايب ما هو بوجهك، ماني بنشاد وينه
مرحبا يا أول خجل قلبي، وصمته، وإعترافه
العمر باهله [شكوك] ولمسة يدينك [يقينه]
يهتوي طاري الظما من ذاق من قيضك جفافه
جعل ما يسقي الحيا عمري، ولا يرتد لينه
أول الفجر : النسيم / وآخر الليل : إنتصافه
وأنت أول وآخر إحساسي، وصدفة دمعتينه
لو تظللنا عن النية تحت سدرة، وغافة
ما بدر منا الكلام ولا حصل في غير حينه
ولو فجر صادق أنانية عتابي ف إقترافه؛
ما هو بتارك يديك ولا هو بنافض يدينه
لا تزاحمني الكتوف إن جيت بشعوري كلافة:
واحد ناصفته اللقمة، ونمت بوسط عينه
عادي إن بيني وبينه، يوقف البحر وضفافه
بس لا يوقف بشر لا جيت، من بيني وبينه.
مقالات مشابهة:
شعر شعبي حزين وكبرياء لنفسي
شعر عتاب فصيح
أقوى قصائد عتاب شعبية
يقال أن في قانون الأوفياء … العتاب مرتين والثالثة أراك بخير … هناك عتاب يأتي دون كلام يأتي على هيئة نظرة طويلة أو انشغال دائم أو تصرف يشبه التجاهل … شعرت بثقلي عليك لذلك أعفيتك من حديثي وكلامي واهتمامي.
- كفى يا رفيقي لا تزيد الجروح جروح
يحن الاوادم قلبي اللي محد حنة
ما اعرف اتعذر كل خلق الله من الروح
احس العذر يوقف على مدخل الجنة. - عرفت ان الفرح والحزن مثل الكرسي الدوار
تدور الناس خلف الوقت وتبدل كراسيها
انا ماني بحاجة من يجيب العلم والاخبار
اخليها على حجاج التغاضي لين اعديها. - على كثر ماجربت بالحب .. ماجربت
شعور اني اصدقك واكذب احداقي
وعلى كثر ماذقت الجفا والحزن.. ما تبت
رجعت اندفع لك بالغلا وادفع اشواقي
يجي يوم تحزن بعد ماتحسب انك طبت
وتذكرني وتذكر حزني وليلة فراقي
وانا وقتها ما تفرق ان جيت ولا غبت
بعدها تعرف شكثر فرقي عن الباقي. - كل شي له علاج في الحياة إلا .. الرخامة
لو تطبب في عديم المرجلة ما هو بطايب. - صحيح ماجتنا الليالي على الكيف
مره تجينا ثقال ومره خفافي
والحال ما يحتاج نشده وتوصيف
ما كل يوم ينحسب لي . . عوافي!
ظروفنا تشبه سحاب من الصيف
بعد المطر تهب صلف السوافي
“واليا نشدنا من يحب السواليف
قلنا بخير ولا لحقنا خلافي”. - محد يجيه اللي يبي وإرضى بقسمك لاتزيد
وما كل نفس هالزمن يجي على مشهاتها
شفت اللي دايم مبتسم لات حسبه دايم سعيد
يمكن بصدره حاجة ماتنوصف مأساتها
عيش الحياه بحلوها وبمرها وش تستفيد
لا ضاعت سنينك ندم ولا اغتنمت اوقاتها. - لو مانعرف اهل المهابد ماجهلت اهل الشداد
اللي تشوف ان الثقيلة عندهم … ياخفها
حنا ليا زادو علينا … زادنا الله بالعناد
لو هي جبال طويق من زود العناد اندفها . - ما سالتني عن أسباب ابتعادي
والله اني ما بغيت الصد مره
سامحني عن قساي و عن عنادي
و اذكرني بالمحبة و المسره. - معود لساني يبني من القصيد صروح
مثل ما تعودت العن ابليس والمنة . - واحد(ن) لو يذكر الله كثر ما يذكر جميله
يكره الشيطان قربه من كثر ما يذكر الله. - انا اسف اني رحت من غير ذكر أسباب
لو اني ب احب / احبك معاهدك بالله
حشى ما تركتك من عيوب انت ما تنعاب
“و لكن عزاي اني تركتك / ل وجه الله”. - احد لو نبتسم له بسمة العابر … تبين فيه
واحد نعطيه من صافي مشاعرنا ويجرحها. - تذري على كتفي وكل الكبار صغار
من الله خلقنا للمقادير نطاحة . - من خلقتي واللي بصدري بصدري
لكن احبك قلتها ” زلة احساس. - ماني بفاضي للمشاريه واللوم
ولحدا يدور من ورا الهرج زله
تمسكوا فيني تراني من اليوم
عادي أخربها مع الشعب كله. - ليه الرجال الوافيه والمطاليق
غابوا فزع من اجل حفظ الكرامه؟
وليه الصدور اللي من اول صناديق
صارت سبيل وعشعشتها الرخامه؟
وليه الحزن ف قلوب بعض المخاليق
يعكس على بعض الوجيه ابتسامه؟. - ماهز جفنك غياب وما ذبحك الحنين
تضحك ، وأنا كن قلبي فوق جمرة غضى
ريح الصبا لو تحرك غصن قاسي يلين
وشلون ما حركت قلبك . . على ما مضى
فقدتك وطاح مني دمع مدري سنين
مدري طموح أنتهى مدري مصير أنقضى
محتاج بسمة . . رضى لله يا عابرين
عزاااه . . كم لي وأنا فاقد شعور الرضى. - احب اتنقى كل ما هاضت وغنيت
على شان صاغي يسمع الشعر بعناية
يقولون وش فادك من الشعر ماكنيت
وانا اقول حنيته عن المقبل براية
انا اشد وانزل لين ماحط صدر البيت
على خد قفر فيه بيتي ومركاية
أعن الاصيلة ماتهدد ولا فزيت
على شي ما يحتاج تصويب ورماية
من يعذرب المداح ماعذرب الكبريت
ترا مايباع المدح من غير شراية
خلاف القصيد اخلاف داعم ومال وصيت
وخلاف القصيد الفين غاوي وغواية.